Pandeireta a medida

A pandeireta tradicional galega artesanal é un instrumento cunha longa tradición na música de Galicia. Feitas á man por recoñecidos artesáns como Pablo Seoane, Regos ou Sanín, cada pandeireta é exclusiva, única e adaptada ao gusto do cliente. Estas pandeiretas destacan pola súa calidade e sonoridade, grazas ao coidado no proceso artesanal, empregando madeira e parches seleccionadpos con detemento, que proporcionan un son final rico e nítido.

Os artesáns son coñecidos pola súa atención ao detalle, especialmente no que respecta ao número de ferreñas e ao rebaxe do bastidor para mellorar a ergonomía do instrumento. A combinación de técnicas tradicionais e a adaptación ás necesidades do músico fai destas pandeiretas un instrumento perfecto para as interpretacións, concertos… ou mesmo sobremesas!

Cada pandeireta non só é unha peza de percusión, senón tamén un obxecto de arte que se pode personalizar en función dos desexos do músico, facendo delas un agasallo perfecto para aqueles que valoran a tradición e calidade nos seus instrumentos musicais.