Breo || Máis Alá

Breo preséntase con esta ópera prima “Mais Alá” onde fusiona o folk galego tradicional con arranxos innovadores. O grupo Breo combina instrumentos tradicionais como a gaita, o bodhram ou o violín con instrumentos como a guitarra, o piano ou o acordeón, creando un son fresco e cheo de enerxía.

Cada tema foi coidado ao máximo en detalles, co fin de capturar a forza e a emotividade das letras. A letra das cancións cantadas conectan  co público, invitándoo a reflexionar sobre as dificultades e os logros da nosa sociedade.

A instrumentación é varida e rica, con toques de electrónica en canto a gravacións ou modificacións na sonoridade dos instrumentos que mesturan perfectamente coa base rítmica tradicional de frautase gaitas. A voz do grupo, potente e chea de emoción, acompáñase de harmonías que amplifican a forza das composicións.

“Mais Alá” é un álbum que transmite frescura e enerxía renovadora, pero sen perder o vínculo coa tradición. Ideal para quen busque unha proposta musical galega actual, con sonoridades que chegan ao corazón.