Abraham Cupeiro || Pangea

«Pangea» é unha obra sonora que conecta os diversos pobos do mundo a través da música e os instrumentos ancestrais. Coa súa proposta, Cupeiro crea unha sinfonía global onde as distintas tradicións culturais se funden nunha única linguaxe sonora.

Neste álbum, Cupeiro utiliza instrumentos esquecidos como o karnyx, o corno romano, e outras reliquias musicais de civilizacións antigas en cada peza. Todas estas están cargadan de simbolismo, buscando recrear a unidade primordial dos continentes de cando formaban o supercontinente Pangea. A música reflexa esa confluencia de culturas, creando unha atmosfera mística e evocadora.

A capacidade de Cupeiro de mesturar influencias diversas con sonoridades frescas e contemporáneas volta a relucir neste traballo dando como resultado unha experiencia auditiva que non só narra historias do pasado, senón que tamén abre novos horizontes musicais. A producción minuciosa permite que cada son resoa co seu máximo potencial, creando unha experiencia envolvente e única.

«Pangea» é ideal para aqueles que buscan explorar a música desde unha perspectiva global, descubriendo como as diferentes culturas antigas compartían unha mesma lingua universal de sons e ritmos. Un álbum imprescindible para os amantes da música experimental e tradicional.